Partia Demokratike do të organizojë të shtunën një protestë përpara Parlamentit kundër emrave të qeverisë së re, të cilët sipas saj lidhen me regjimin komunist, si Gramoz Ruçi dhe Fatmir Xhafaj.
Bëhet me dije se gjatë protestës së të shtunës demokratët kanë ftuar edhe ish të përndjekurit politikë.
Deputetët demokratë kanë paralajmëruar se do t’i kundërshtojnë emrat e ministrave të rinj, prej ditës kur kryeministri i vendit Edi Rama i bëri publikë.
Gjithashtu aksioni parlamentar i PD do të përqëndrohet në dy reforma kryesore, reforma kushtetuese dhe reforma zgjedhore, si pjesë e marrëveshjes së 18 majit me kryeministrin Rama.
