Këshilltarët e dy partive në Shkodër mundësuan miratimin e buxhetit të bashkisë për vitin 2016
Këshilltarët e Lëvizjes Socialiste për Integrim në Shkodër, bashkuan dje votat e tyre me këshilltarët e Partisë Demokratike për miratimin e buxhetit me të cilin kjo bashki do të punojë gjatë vitit 2016. Në mbledhjen e fundit me 39 vota pro është miratuar buxheti, ndërkohë që 7 vota kanë qenë kundër tij dhe 3 këshilltar kanë abstenuar.
Lëvizja Socialiste për Integrim në Këshillin Bashkiak të Shkodrës ka 9 këshilltarë që kësaj here i kanë bashkuar votat me këshilltarët e Partisë Demokratike. Buxheti i këtij viti për Shkodrën kap vlerën e 1 miliard e 655 milion lekë dhe ai u diskutua me grupet e interesit.
