PD kërkon komision për Investimet Strategjike, Tabaku: Ligji aktual favorizon oligarkët

0
92

Shtatë deputetë të Partisë Demokratike kanë dërguar një kërkesë në Kuvend për ngritjen e një komisioni parlamentar për Investimet Strategjike. Deputetja Jorida Tabaku ka dhënë më shumë detaje rreth kësaj kërkese. Përmes një postimi në rrjetin social Facebook se ligji aktual për këtë çështje favorizon oligarkët që i sigurojnë qeverisë votat. Sipas tabakut, investimet strategjike  po përdoren për interesa, krijojnë hapësira për korrupsion dhe pastrim parash. Sakaq, ajo kujtoi se 7 vite më parë opozita dërgoi një amendament për ndryshime në këtë ligj, por qeveria nuk e miratoi dhe abuzimet janë shtuar.

Ligji investimeve strategjike është një nga ligjet që tregon më së miri kapjen e shtetit dhe korrupsion me votë në parlament! Prandaj së bashku me 6 kolegë paraqitëm nismën për ngritjen e një komisioni parlamentar për Investimet Strategjike.  Në vitin 2015 kur ky ligj u paraqit në kuvend në emër të PD kam depozituar amendamente pasi qe e qartë arsyeja pas këtij ligji. Oligarkia që qëndron pas qeverisë. Amendamentet lidheshin ngushtë me nenet në lidhje me pronën private dhe atë publike. Ligji investimeve Strategjike cenon të drejtën kushtetuese të pronës.

Fatkeqësisht mazhoranca nuk miratoi amendamentet dhe po ashtu vazhdoi të zgjaste pafundësisht ligjin dhe efektet e tij në kurriz të pronarëve dhe pronës private dhe publike .Kush janë përfituesit realë të këtij ligji?! Kam depozituar një kërkesë në ministrinë e financave dhe ekonomisë për të mësuar përfituesit nga ky ligj dhe ende sot nuk kam një informacion”, shkruan ajo.

Tabaku thekson se ligji aktual nuk po tërheq investitorë serioz, por anëtar të korrupsionit dhe bandave të drogës. Sakaq, ajo shprehet se këtë herë opozita do të këmbëngul derisa ky komision të ngrihet.