Rasti i rëndë i abuzimit seksual me të 15-vjeçaren në Babrru, nga roja i shkollës ku ajo arsimohej, ka shkaktuar reagime të forta qytetare dhe tubime jo vetëm në Tiranë, por edhe në qytete të tjera të Shqipërisë.
Ditën e sotme janë mbajtur protesta edhe në Korçë, ku mësohet se qytetarët kanë dënuar me forcë dhe kanë marshuar kundër këtyre fenomeneve.
Në këtë mënyrë ata kanë kërkuar forcimin e dënimit për abuzuesit.
Me moton e njëjtë si në Kryeqytet “Për Fëmijërinë e Vjedhur”, qytetarët në Korçë kanë dalë në protestë në sheshin e qytetit, ku vajzat dhe gratë kanë mbajtur pankarta në duar./abcnews.al
