shkruan Fahri Xharra
Njohja e Izraelit për Kosovën filloi t’i prekë zemrat e ligshtuara të disa profesorëve, ish-gazetarëve dhe disa akademikë.
Përderisa një ish-arsimtar shkruan: “Izraeli nuk është mik i imi, prandaj shtrohet pyetja mbi të gjitha të tjerat: Si mund të jetë ky shtet mik i sinqertë i shtetit tim, kur i njëjti edhe sot e gjithë ditën, jo vetëm që nuk është dashamirës ndaj vëllaut të tij prej babe…”.
Ish-gazetari i përgjigjet: “Të lumtë, jam plotësisht jo pajtim me çdo pyetje e konstatim, por me fjalinë e fundit. Pra, jam me ty, se jam pacifist, humanist, liridashës”.
Ndërsa një profesor i Univerisitetit të Prishtinës qan me lot publikisht për paqen e lidhur ne mes Arafatit dhe Rabinit në vitin 1993.
E kam një pyetje si do ta kishit ndier veten mu sot sikur në vitin 1999 mos të ishin Izraeli, ShBA-t dhe Europa, sikur sot do të endeshit rrugëve të botës mbasi që keni fat dhe jeni gjallë? Po ku do të ishim ne, një milion shqiptarë që u përzumë nga tokat tona?
Po keni farë ndjenjë keqardhjeje për ato 20 mijë gratë e vajzat e dhunuara?
Një sqarim i vogël; arabët e Palestinës nuk janë vëllezër prej babe të hebrejve. Mësoje historinë më mirë! Kjo është njësoj sikur ne t’i quanim sllavët e të gjitha llojeve që jetojnë në tokat tona. Arabët në Palestinë dhe sllavët mbi tokat tona janë ardhacakë pushtues dhe shkatërrues të identiteteve të vendorëve.
Sidoqoftë e falenderojmë Izraelin që e njeh Kosovën. Po mirë, ju njerëz të arsimit e kini parë serinë e shpifjeve serbe me pyetjen: Si u bënë serbët shqiptarë? (kakos su srbi postali albanci?)
Me siguri që jo, se zemërgjerësia e juaj për të huajin nuk ju lejon të mendoni për veti.
Akademiku serb Sima Çirkoviq në librin e tij “Srbi megju evropskim narodima” – Serbët në mesin e popujve të Europës shkruan: “Kur sulltani i otomanëve në vitin 1830 e pranoi qeverinë vasale të Knezhevinës serbe, Milosh Obrenoviqi iu drejtua autoriteteve prezente: “Kështu vëllezër që nga dje jemi popull i pranuar!”.
Pra, ju miq të askujt nuk ju dhimbsën tokat shqiptare që një fis ardhacakësh me ndihmën e osmanëve u bë “popull” në 1850? Keni shkruar dçka për këtë?
Më e dhimbshmja e kohëve të fundit është kur ne si lepujt e frikësuar japim gjithçka vetëm të na pranojë Serbia, ata dalin në botë me libra dy mijë faqesh dhe me titull “Albanian Genocide of the Serbs in the XXth Centuri – “Shiptrardki genocid nad srbima nu 2 – veku (me dokumente
pra: “Gjenocidi shqiptar mbi serbë në shekullin XX”.
Më tregoni se a është ndonjë popull më durim madh se ne?
Kurse me filmin e postuar mund të shihni burgosjen e shqiptarëve të Prishtinës dhe Gjakovës nga serbët në vitin 1912.
Ndërsa ato të 1999, nëse i keni harruar me tregoni do iu rikujtoj. Izrael, ju falenderojmë për njohjen e shtetit të Kosovës me të gjitha atributet e një shteti.
Tani u bëmë shtet!
Izrael, ju falenderojmë për njohjen e shtetit të Kosoves me të gjitha atributet e një shteti.
Tani u bëmë shtet!
Gjakovë, 16.09.20
