Pas anullimit të zgjedhjeve të 30 Qershorit, Presidenti Ilir Meta do të nisë sot konsultimet me partitë politike për caktimin e një date të re për zgjedhjet.
Sipas burimeve takimet e para do të zhvillohen pasditen e sotme në orën 19:00 me krerët e partive të Grupimit të Qendrës së Djathtë.
Mësohet se takimet do të nisin fill pas vizitës në Kosovë, ku Presidenti Meta do të marrë pjesë në festimet e 20-vjetorit të çlirimit të Kosovës.
Kujotjmë se disa ditë më parë presidenti Meta firmosi anullimin e zgjedhjeve pa afat pasi sipas tij, në këtë situatë në të cilën ndodhet vendi, këto zgjedhje mund të sjellin destabilitetin e vendit.
