Skuadra e Takajt fiton një tjetër ndeshje, por në një stadium të boshatisur, ndërkohë që Tirana barazon pa gola në Laç dhe tregon që ende nuk është skuadër
Pas akuzave dhe komente për një mori ndeshjesh të trukuara, futbolli zbret sërish në fushë dhe siparin e javës së dytë e hapin pikërisht korçarët, ata që janë vënë në qendër të vëmendjes, ndërkohë që po mundohen ta shpëndajnë fajin, duke implikuar edhe pothuajse të gjithë të tjetër që përbëjnë Kategorinë Superiore. Në “Selman Stërmasi”, Korabi luan sërish si vendas dhe përsëri nuk arrin të shënojë. Por këtë rradhë një rrethanë lehtësuese e kishte, pasi përballë dibranëve u rreshtuan kampionët e vendit. Skënderbeu nuk ishte në ditën e tij më të mirë dhe nuk kishte si të ndodhte ndryshe pas asaj jave të trazuar.
Megjithatë, në sytë e presidentit Takaj, i cili qëndronte i ngrysur në tribunë, golin e parë për korçarëve e shënon Jashanica, pas një goditje të saktë me kokë edhe ky shumë i përfolur për aferat e trukimeve. Dibranët u përpoqën, por sulmuesi i tyre plaku ishte i pafat, ndërsa goditjen finale ua dha po i njëjti, Hamdi Salihi, i cili shënon golin e tretë në dy javët e luajtura. Ndërkohë që Tirana është një skuadër për të mos u marrë në konsideratë. Në transfertën e Laçit nuk e meritonte as pikën e fituar, madje në 180 minutat e dy ndeshjeve të para të edicionit as që i është afruar golit dhe ndoshta duhet pritur të plotësohet në vijën e parë, siç po pret me padurim edhe trajneri Daja.
