Një dashuri e kurorëzuar në ajër. Papa Françesku ka martuar dy asistentë fluturimi në bordin e avionit me të cilin po udhëtonte mes qyteteve në Kili.
Paula Podest Ruiz, 39 vjeç dhe Carlos Ciuffardi Elorriga, 41 vjeç, ishin martuar më herët në një ceremoni civile, por i kërkuan Papës të bekonte martesën e tyre.
Ata thanë se nuk kishin mundur të kryenin ceremoninë në kishën e tyre në kryeqytetin kilian Santiago, pasi ajo ishte dëmtuar nga një tërmet në vitin 2010.
Papa Francesku drejtoi një ceremoni martese katolike për çiftin, duke marrë si dëshmitar pronarin e kompanisë ajrore që zotëronte avionin. 
