Pamje vërtet të tmerrshme vijnë nga Ekuadori, si rezultat i përhapjes së pandemisë së covid-19.
Trupa të pajetë po lihen në cep të rrugës me shpresën se autoritetet përgjegjëse do t’i largojnë. Të paktën 150 kufoma mbetën në rrugë e disa u mbajtën në shtëpitë e të afërmve në Guayaquil.
Njerëzit kanë menduar se autoritetet rrugore do t’i zhvendosnin trupat e pajetë, por kjo ka zgjatur më shumë se tre ditë, për shkak të ‘prapambetjes’.
Banorët u detyruan madje të përdorin kuti kartoni si arkivole ndërsa numri zyrtar i vdekjeve në Ekuador është 172, me të paktën 3.500 raste të konfirmuara.
Nënkryetari i Ekuadorit Otto Sonnenholzner kërkoi falje pasi banorët postuan imazhe dhe video të kufomave në mediat sociale.
