Gjatë fjalës së tij në Kuvend, deputeti i Partisë Demokratike, Ervin Salianji, u shpreh se qeveria nuk ka parashikuar asnjë ndihmë për të rinjtë, sikur ata të mos ekzistonin. Ai tha se të rinjtë paguajnë miliona lekë për të ikur me gomone. Salianji gjithashtu u ndal dhe te ndihma për administratën, policët dhe te njoftimi i sotëm për fashën e energjisë 800 këw.
“Shqiptarët po paguajnë miliona lekë për gomone, për të ikur nga vendi. Dhe këtu nuk ka asnjë reagim nga Qeveria. Asnjë fjalë për të rinjtë, prioritet i madh. Asnjë fjalë, nuk përmenden të rinjtë, a thua se nuk ekzistojnë. Po rrisni pagat në administratë se po vijnë zgjedhjet. Po u jepni 50 mijë lekë policëve, por duhet t’u jepni më shumë se riskojnë shumë. Duhet t’i jepni më shumë se i japin kriminelët. Në vend të kapë polici kriminelin, kap krimineli policin dhe ecin të dy rrugëve. Për energjinë, paratë që rrisni rrogën minimale do rrisni dhe të ardhurat tuaja në qeveri se i ngarkoni biznesit taksë tjetër. 800 këw bëjnë pa TVSH 76 mijë lekë të vjetra, kush paguan më shumë mbi këtë 8000 këw do paguajë katër fish më shumë” – u shpreh Ervin Salianji.
