Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

“Paketa Antishpifje”/ OSBE: Legjislacioni i ri nuk duhet të pengojë lirinë e shprehjes dhe të mediave

Nga Ejona 0

Presidenti i Republikës, Ilir Meta ktheu dje në parlament ligjin e ashtuquajtur “Paketa Antishpifje” të miratuar në parlament me shumicë votash.

Ndërkohë Meta i ka dërguar një dokument shpjegues përfaqësuesit të OSBE-së për Lirinë e Medias, Harlem Désir.

Lajmi është bërë i ditur nga zyra e OSBE-së e cila shpjegon se përfaqësuesi Desir është i gatshëm të vazhdojë bashkëpunimin me Shqipërinë në përmirësimin e ligjeve, por bazuar në të drejtën ndërkombëtare.

Më tej në reagim thuhet se legjislacioni i ri nuk duhet të pengojë lirinë e shprehjes dhe lirinë e mediave.

Reagimi i plotë:

VIENNA, 13 Janar 2020 – Përfaqësuesi i OSBE-së për Lirinë e Medias, Harlem Désir, priti sot nga Zyra e Presidentit të Republikës së Shqipërisë Ilir Meta dokumente shpjeguese mbi arsyet e kthimit në Parlament të ligjeve për Media audiovizuale dhe Ligjin për Komunikimi elektronik në Republikën e Shqipërisë.

Në funksion të ekzaminimit të ri të ligjeve nga Parlamenti, Përfaqësuesi konfirmon se ai është i gatshëm të vazhdojë të punojë me autoritetet e Shqipërisë për të përmirësuar ligjet, veçanërisht në çështjen e nivelit të gjobave dhe respektimin e parimit të proporcionalitetit si të parashikuara në të drejtën ndërkombëtare.

Përfaqësuesi kujton se asgjë në legjislacionin e ri nuk duhet të pengojë lirinë e shprehjes dhe lirinë e mediave. Ai shpreson që leximi i ri të lejojë sqarime të mëtejshme dhe përmirësim të ligjeve për të siguruar përputhjen e plotë të tyre me standardet ndërkombëtare dhe angazhimet e OSBE-së.

Përfaqësuesi i OSBE-së për Lirinë e Medias vëzhgon zhvillimet e mediave në të gjitha 57 shtetet pjesëmarrëse të OSBE-së. Ai siguron paralajmërim të hershëm për shkeljet e lirisë së shprehjes dhe lirisë së mediave dhe promovon respektimin e plotë të angazhimeve të lirisë së mediave të OSBE-së.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej