Ka nisur grumbullimi i protestuesve tek selia e PD-së, për protestën e opozitës e cila zhvillohet pasditen e sotme, pavarësisht kushteve të këqija atmosferike.
PD ka shpërndarë për protestuesit edhe çadra me mbishkrimin “Rama Ik” , kjo për shkak të kushteve jo të përshtatshme të motit ditën e sotme. Po ashtu nga pamjet vihet re se në protestë të pranishëm janë edhe fermerë, të cilët kanë marrë me vete bidonat e qumshtit, për të cilat nuk dihet nëse do t’i përdorin më vonë në shenjë proteste.
Kujtojmë se kjo është protesta e 3-të masive që zhvillon opozita e bashkuar pas asaj të 16 Shkurtit dhe të 16 Marsit, pas vendimit për të djegur mandatet e deputetëve.
