Pas mbledhjes së kryesisë së Partisë Demokratike është vendosur që të djelën protesta të zhvillohet tek Drejtoria e Policisë së Tiranës, kurse të hënën do të organizohet një tjetër protestë kombëtare.
Fill pas mbledhjes drejtuesit e opozitës kanë shkuar në Spitalin Ushtarak për t’ju gjendur pranë Sahit Dollapit që mbahet i arrestuar nga policia.
Basha tha para protestuesve:
“Nesër (sot) në orën 11.00 do mbahet protestë para Drejtorisë së Policisë për të kërkuar lirimin e të arrestuarve nga policia.
E sotmja e ka ndarë Shqipërinë me thikë, ku shumica pa dallim feje dhe statusi ekonomik kërkojnë largimin e Ramës. Ne jemi e ardhmja, ne do e bëjmë Shqipërinë si gjithë Europa.
Të gjithë shqiptarët ditën e hënë me datë 18 maj, në orën 18:30 do mbahet një protestë tjetër masive për t’i dhënë një grusht të fortë politikës kriminale.”
