Pas protestës masive të 16 shkurtit opozita rikthehet në tubim. Opozita do të protestojë sot para Kuvendit. Një ditë më parë deputetët e opozitës firmosën formularin për lënien e mandateve parlamentare.
Qytetarë nga e gjithë Shqipëria janë nisur drejt Tiranës ndërsa mbi 1000 forca policie do të angazhohen në mbarëvajtjen e kësaj proteste.
Në shumë prej qarqeve të vendit numrat janë të njëjtë me ata që ishin të pranishëm në protestën e 16 Shkurtit, edhe pse sipas drejtuesve të PD-së mbi qytetarët dhe drejtuesit e mjeteve të transportit ka pasur presione. Ky ka qenë denoncimi i bërë nga kreu i PD-së në Shkodër Xhevdet Amuli.
Kufizime për qarkullimin rrugor do të ketë tek “Xhorxh Bush” dhe pjesërisht në bulevardin “Zhan Dark”.
Autobusët, ashtu si protestën e shkuar, nuk do të lejohen në qytet.
Të ardhurit nga veriu do ndalojnë tek “Asllan Rusi”, kurse të ardhurit nga Jugut tek Ekonomiku.
blob:http://www.oranews.tv/452f4b1d-54ce-4b5c-ab9a-5ab786bae7e9
