Policia e Tiranës ka arrestuar 4 adoleshentë të cilët ishin pjesë e një grupi grabitësish që kryenin vjedhje në kryeqytet.
Gjatë operacionit “Çiklistët” në pranga kanë rënë shtetasit Enton F., 16 vjeç, Aldo D., 17 vjeç, Reald N., 15 vjeç, Kristi D., 16 vjeç të gjithë banues në Tiranë.
Ata dyshohen për të paktën 5 vjedhje në zona të ndryshme të Tiranës. Shtetasit në bashkëpunim me njëri-tjetrin pasi pikasnin ambientin që do të vidhnin, e studionin atë dhe më pas bënin vjedhjen.
Policia sqaron se si mjet për lëvizje këta shtetas përdornin biçikleta, si dhe për tu mos u identifikuar përdornin kapuca për biçikleta dhe doreza. Për mjet shtrëngimi ose presioni përdoreshin dy pistoleta, të cilat nuk i plotësojnë kushtet e armës së zjarrit.
