Policia e Shtetit në bashkëpunim me autoritetet gjermane ka arrestuar një 27-vjeçar nga Dibra të akuzuar për dhjetëra vjedhje në një zonë në Gjermani.
Gjatë operacionit të koduar “Ant -Skifter” u bë identifikimi, kapja dhe ndalimi i shtetasit shqiptar, A.L, 27 vjeç, lindur në Dibër dhe banues në Durrës.
Ky shtetas ishte person i shpallur person në kërkim europian, pë rvjedhje dhe falsifikim të letërnjoftimeve.
Ai në bashkëpunim me persona të tjerë ka kryer rreth 25 vjedhje banesash në rajonin Bochum, Gjermani, ku kanë përvetësuar sasi të konsiderueshme parash, bizhuteri, orë të markave të shtrenjta, paisje elektronike etj.
Goditja e këtij grupi kriminal u publikua edhe në mediat Gjermane, duke cituar prokurorët dhe oficerët e Policisë Gjyqësore Gjermane, se Shqipëria prej disa vitesh po vepron me forcë kundër krimit të organizuar dhe sidomos krimit të organizuar kundër pronës.
