Analisti Andi Bushati dhe deputeti i PD-së, Ervin Salianji, kanë komentuar non-gratën e Sali Berishës dhe impaktin që ka pasur në PD. Salianji u shpreh se nëse shtohet çështja për bashkim të PD, nuk është çështje karriere. Ai gjithashtu tha se është i gatshëm ta lë mandatin në mënyrë që të bashkohet PD, pasi sipas tij ndryshe nuk mund dot Ramën.
Ndërsa Bushati ka vazhduar kritikat ndaj ambasadores së SHBA-së, duke thënë se nuk ka budalla apo idiot që është opozitar që të besojë që ky “vend i madh i demokracisë” nuk shpallin non-grata ata që mbushën Shqipërinë me kanabis, por u kujtuan për Berishën.
Pjesë nga debati:
Salianji: Nëse shtohet çështja për bashkim të PD, nuk është çështje karriere. Unë jam gati ta lë mandatin, që të bashkohet PD, se nuk mund dot Ramën kështu. Unë e njoh mirë instiktin e demokratëve, dhe pëlqimin që kanë për Berishën. Këtë nuk e mohoj, por le të jemi të vërtetë.
Bushati: A ka budalla apo idiot që është opozitar që të besojë që ky vend i madh i demokracisë nuk shpallin non-grata ata që mbushën Shqipërinë me kanabis, por u kujtuan për Berishën. Këtë hipokrizi që Berisha qenka djalli e që këta që duan ta luftojnë janë ëngjëj, këtë nuk e ha kush.
Salianji: Ka nga ata që thonë a ka budallenj që i dalin kundër SHBA-së. E mendojnë njerëzit këtë gjë.
Bushati: Nuk ishte non-grata për kundër Berishës, ishte për të thërmijëzuar opozitën kështu siç e bënë.
