Nga Bislim Ahmetaj
Të lutem zonja Kim mos e puth Sorekën pas arritjes së marrëveshjes për reformën zgjedhore.
Thjeshtë do të na kujtosh atë puthjen perverse që zonja Vllahutin i dha zotit Lu pas votimit absurd 140-0, votim që na solli në kujtesë kohën e diktaturës komuniste, kur miratoheshin ligje për ndalimin e fesë apo kolektivizimin e pulave.
Ajo puthje na la jo vetëm pa drejtësi, por edhe pa gjykata.
Të lutem zonja Kim mos e puth Sorekën, as Edi Ramën, as mikun tënd Luli Bashën.
Të lutem zonja Kim, meqë ke marrë përsipër t’i bësh dhe t’i përfaqësosh të gjitha institucionet e munguara e të shkatërruara nga partia në pushtet, bëj atë që duan dhe aspirojnë qytetarët shqiptarë, bëje për hir të respektit, besimit dhe dashurisë që shqiptarët kanë për vendin tuaj.
Na e jepni edhe ne një shans që ta ushtrojmë lirinë e votës, lirinë e zgjedhjes.
