Ish-socialisti Arben Malaj, ka reaguar lidhur me vendimin e Venecias, ku sipas tij konfirmon krizën institucionale të mazhorancës që synon pushtet absolut.
Malaj përmes një postimi në rrjetet sociale shprehet se kriza e mazhorancës u ka kushtuar shumë shqiptarëve, ku në vend të parë mbeten vonesat në procesin e integrimit.
Gjithashtu ish-ministri thotë se ky pushtet i ka varfëruar çdo ditë dhe më shumë shqiptarët, duke iu ngarkuar borxhe të mëdha për të ardhmen.
“Vendim i Venecias duke i vlerësuar kushtetuese qëndrimet e presidentit Meta, konfirmon krizën institucionale të mazhorancës e cila synon pushtet absolut. Kjo krizë e maxhorances ju ka kushtuar jo pak shqipëtarëve.
E para në thellimin dhe zgjatjen e krizës politike. E dyta në vonesat në procesin e integrimit. E treta në dobësimin dhe tendenca deformuese të reformës në drejtësi. Kjo reformë mbetet parakushti i të gjitha kushteve për perspektivën evropiane. E katërta- pushteti absolut ka ushqyer korrupsionin dhe kapjen e shtetit duke i varfëruar me shumë shqiptarët dhe duke i mbingarkuar përherë me borxhe më të rënda dhe një të ardhme më të vështirë”, u shpreh Malaj.
Rama s’ka rrugë veç largimit! –
Konspiracionisti Alfred Çako ka mbajtur një fjalim gjatë protestës qytetare në bulevard, ku ka kërkuar largimin e kryeministrit Edi Rama...
