Ish-presidenti Bujar Nishani u ka bërë thirrje të gjithë shqiptarëve, që t’i bashkohen protestës së opozitës në vend.
Në një postim në facebook, Nishani tha se nëse shqiptarët do mashtrohen sërish nga Rama, duhet të marrin parasysh pasojat.
Reagimi i plotë:
Kur opozita denoncoi avionët e drogës, Edi Rama e mohoi dhe ja doli ti mashtrojë shqiptarët deri ditën kur një prej avionëve të trafikut u rrëzua,
Kur opozita denoncoi kanabizimin masiv të gjithë vendit e kthimin e Shqipërisë në narkoshtet, Edi Rama e mohoi dhe arriti ti mashtrojë shqiptarët deri ditën e arrestimit të bandës së Habilajve-Tahiri,
Kur opozita denoncoi grabitjen masive të zgjedhjeve përmes grupeve kriminale dhe parave të drogës, Edi Rama e mohoi dhe arriti ti mashtrojë shqiptarët deri ditën e daljes së përgjimeve,
Sot opozita po ngre zërin fort dhe po i paralajmëron shqiptarët, se prej Edi Ramës shqiptarëve do t’ju rikthehen vizat dhe izolimi prej Evropës siç e provuan në 50 vjet,
Nëse shqiptarët mashtrohen përsëri prej Edi Ramës “se kjo nuk do të ndodh”, duhet të kuptojnë vetëm një pasojë.
Liberalizimi nuk rikthehet më kur atë e heq. Nuk merret më askush vetëm me një shtet.
Shpëtimi i shqiptarëve vjen nga izolimi i të keqes.
Të bashkohemi sot të gjithë në protestë !
