Opozita parlamentare ironizon uljen e PD-së në tryezë me socialistët, duke thënë se nga “Rama ik”, tashmë Basha shkoi në “Rama mik”.
Në prononcime për “ABC News”, deptuetët e rinj thonë se nuk do të votojnë asnjë dokument që arrihet jashtë Kuvendit dhe që nuk përmban ndryshimin e sistemit.
Opozita parlamentare e shikon kthimin e demokratëve në tryezën e dialogut, si tregues se ata që pranuan mandatet dhe njohën Kuvendin ishin në rrugën e duhur. Ironitë nuk i kursejnë ndaj Lulzim Bashës.
“Luli kthehet përsëri të pika zero duke ikur me vrap, nga “Rama ik” ,“Damiani ik”, sot janë bërë miq”.
Por deputetët e rinj nuk janë të gatshëm që të votojnë një dokument që ju vjen nga jashtë i gatshëm, pa u përfshirë kërkesa e tyre për ndryshimin e sistemit zgjedhor.
“Këta janë kapur për veshi për tu ulur te ajo tryezë”.
Ndryshimi i Kodit Zgjedhor kërkon 84 vota, ndërsa mazhoranca ka arritur të ketë më shumë se 100 vota, me ndihmën e opozitës së re, e cila e heshtur dhe e panjohur, zotëron kartonë në Kuvend.
/abcnews.al
