Nga Kina në Rinas mbërrijnë 5 persona, “Kontrollohen” vetëm me pyetje

Numri i viktimave nga koronavirusi në Kinë ka arritur në 106 , ndërsa numri i të prekurve sipas autoriteteve kineze është më shumë se 4500.
Lorenc Harshova, shef i Njësisë Kufitare të Inspektimit Shëndetësor në aeroportin e Rinasit thotë se gjatë 24 orëve të fundit, nga Kina në Rinas janë futur 5 persona të cilët kanë kaluar tranzit.
Deri tani nuk raportohen për raste të infektuarish në Shqipëri megjithatë ekziston frika për shkak të lëvizjeve përmes aeroporteve.
I pyetur nëse këta persona i janë nënshtruar ndonjë kontrolli të veçantë, ai shprehet se deri tani është përdorur vetëm pyetsori i OBSH.
“Gjatë 24 orëve të fundit kemi 5 persona të ardhur nga Kina në Rinas. Këta persona, janë intervistuar në bazë të një pyetësori të Organizatës Botërore të Shëndetësisë dhe deri tani nuk kemi asnjë problem”, tha Harshova.