Neymar shënon pas 4 muajsh, Brazili mposht Kroacinë para Botërorit

Kur jemi edhe 11 ditë para Botërorit për Brazilin duket se gjithçka shkon në mënyrë perfektë. “Seleçao” në përballjen miqësore kundër Kroacisë të zhvilluar sot në “Anfield” ka fituar 2-0, por ky nuk ishte lajmi i vetëm i mirë.

Në fillimin e pjesës së dytë në lojë për Brazilin hyri Neymar, futbollisti i cili nuk shkelte që prej shkurtit në fushat e blerta. Jo vetëm kaq, por 26-vjeçari rezultoi edhe njeriu i ndeshjes.

Ai i dha impuls të ri lojës dhe në minutën e 69-t shënoi një gol mjaft të bukur, pasi dribloi bukur në të majtë. Në minutën e fundit të takimit, ekzaktësisht në të 93-n, ‘seleçao’ shënoi golin e dytë me Firminho-n.

Një takim që tregon shumë për Brazilin, ndërsa nga ana tjetër Kroacia e shumë talenteve duhet të dorëzohet përballë madhështisë së amerikano-jugorëve.