Përkundër fillimit të realizimit të Planit për Vaksinim Masiv në Kosovë, vetëm një numër i vogël i qytetarëve kanë arritur të vaksinohen kundër COVID-19 . Vetëm 11.5 për qind e popullsisë së Kosovës ka arritur ta marrë deri tani vaksinën Anti-COVID. Ndërsa, 2.7 për qind kanë arritur të vaksinohen me dozën e dytë të vaksinës.
Kosova po vazhdon të qëndroj larg shteteve tjera sa i përket vaksinimit të popullsisë, raporton Gazeta Express.
Deri tani në vend është vaksinuar 11.5 për qind e popullsisë me dozën e parë të vaksinës dhe 2.7 për qind e popullsisë me dozën e dytë të vaksinës.
Shumë më mirë se Kosova sa i përket vaksinimit të popullsisë po qëndrojnë shtetet tjera të rajonit.
Shqipëria deri tani ka vaksinuar gati 1 milion qytetarë.
Ndërsa, Serbia ka vaksinuar mbi 5 milionë e 100 mijë qytetarë me dozën e parë të vaksinës. Rreth 24 mijë qytetarë po arrijnë të vaksinohen për çdo ditë në këtë shtet.
Maqedonia e Veriut ka raportuar se rreth 600 mijë qytetarë i ka të vaksinuar me dozën e parë të vaksinës.
Në këtë shtet po kryhen mbi 7 mijë e 500 vaksinime në ditë.
Edhe Mali i Zi po qëndron më mirë se Kosova sa i përket vaksinimit.
Rreth 293 mijë qytetarë kanë arritur ta marrin vaksinën në këtë shtet.
Shumë më mirë se vendi sa i përket vaksinimit qëndrojnë edhe shtetet tjera më të largëta.
Ndërsa, derisa shtete tjera kanë filluar me vaksinimin e popullësisë më të re në moshë, në Kosovë po vaksinohen personat mbi 55 vjeç.
Ata që janë në radhë për aplikim për vaksinim në Kosovë janë : Personat mbi 55 vjeç, zyrtarët publikë, zyrtarët e Agjencionit të Aviacionit, zyrtarë nga Agjencia Shtetërore e Navigimit Ajror, zyrtarë nga Aeroporti Ndërkombëtar i Prishtinës “Adem Jashari”, zyrtarët doganorë, gazetarët dhe gastronomët.
