Komisioni për Edukimin dhe Mjetet e Informimi është shoqëruar me debate të forta. Një nga çështjet që u diskutua ishte dhe politizimi i shkollave, për të cilën deputetja demokrate Eralda Bano solli një shembull konkret.
Teksa mori fjalën, Bano tha se në gjimnazin “Çajupi” ishte kryer një aktivitet politik edhe pse sipas saj kjo nuk lejohet.
Ministrja, Evis Kushi iu përgjigj se dhe në zgjedhjet që zhvillohen shkollat kthehen në qendra votimi teksa shtoi se në atë orë ka mbaruar dhe orari mësimor. Në diskutim u përfshi dhe kryetarja e Komisionit, Flutura Açka e cila ironizoi kryebashkiakun e Tiranës, Erion Veliaj. Sipas Açkës, Veliaj e ka tepruar me politizimin e shkollave teksa solli dhe një rast në Panairin e Librit. Deputetja tha se në fund të aktivitetit ku i pranishëm ishte dhe kreu i Bashkisë së Tiranës askush nuk bëri thirrje për të blerë një libër vetëm u larguan.
Pjesë nga diskutimi:
Eralda Bano (Tase): Sapo më erdhi një informacion ne në shkollën Çajupi në orën 15:30 është bërë një aktivitet politik.
Evisd Kushi: Nuk kam dijeni. Do hetojmë. Por në atë orar ka mbaruar oreari mësimor.
Flutura Açka: Dhe nëse orari mësimor ka mbaruar nuk lejohet, nuk mund të preket shenjtëria e shkollave. Prandaj e mora si shembull lali Erin, e ka tepruar.
Evis Kushi: Po dhe në zgjedhjet në shkolla votohet.
Flutura Açka: Po ju jap një shembull, kur ishte Panairi i Librit, një grup njerëzish erdhën me zhurmë bën dhe një aktivitet politik dhe ikën, prandaj e përmenda lali Erin.
