Përgjatë vitit 2021, Agjencia e Trajtimit të Pronave ka bllokuar tërësisht aktivitetin e kthim-kompensimit, duke paguar vetëm këstet e pronarëve që me marrëveshje kanë hequr dorë nga shumë e plotë e dëmshpërblimit. Kjo formë kompensimi ofrohet nga Agjencia e Trajtimit të Pronave vetëm për subjektet që pranojnë të marrin jashtë radhe një pjesë të shumës së kompensimit, deri 20% e totalit. Sipas të dhënave zyrtare të ATP, Gjatë kësaj periudhë janë lëvruar për 209 subjekte kësti i radhës me fond prej 626 milionë lekë, afërisht 6 milionë dollarë, dhe janë trajtuar 6 subjekte me këstin e parë me fond prej 55 milionë lekë, afërisht 550 mijë dollarë.
Pronarët që heqin dorë nga shumë e plotë e kompensimit në këmbim të marrjes së një pjese të saj jashtë radhe, kanë qenë të vetmit subjekte të trajtuar nga ATP për vitin 2021. Agjencia e Trajtimit të Pronave u ka shpërndarë atyre rreth 6 milionë dollarë gjatë vitit të shkuar, ndërkohë që ka pezulluar tërësisht aktivitetin për shkak të bllokimit të ligjit nga ana e Gjykatës Kushtetuese
Për sa i përket aktivitetit kryesor të saj, Agjencia e Trajtimit të Pronës me kuptimin e plotë të fjalës ka mbetur pa punë gjatë vitit 2021. Ndërkaq, thekson raporti, Procesi i ekzekutimeve për vendimeve përfundimtare që kanë njohur të drejtën e kompensimit aktualisht është i bllokuar për shkak se në datën 04.02.2021, Gjykata Kushtetuese Me zbardhjen e vendimit të Gjykatës Kushtetuese të botuar në Fletoren Zyrtare nr.37, datë 11.03.2021, është ngritur me Urdhër te Ministrit të Drejtësisë nr. 309 datë 14.04.2021 grup pune për “Hartimin e projektligjit “Për disa shtesa dhe ndryshime në ligjin 133/2015”, për të reflektuar në ato pika të cilat u shfuqizuan nga Gjykata Kushtetuese”.
Shkak është bërë vendimi i Gjykatës Kushtetuese e cila pranoi kërkesën e Shoqatës Pronësi me Drejtësi për rrëzimin e disa neneve të Ligjit të Ri për Kthim Kompensimin. Agjencia e Trajtimit të Pronave ka vlerësuar se fatura financiare për kompensimin e pronarëve arrin në 101 miliardë lekë, afërisht 1 miliardë dollar, ndërkohë që shoqatat e pronarëve pretendojnë një vlerë rreth 4 herë më të madhe.
