Në ndryshimet e pritshme në kabinetin qeveritar, me gjasë njeriu më i rëndësishëm pas Edi Ramës do të jetë Arben Ahmetaj.
I rithirrur në kabinet me një post të sajuar si ministër i Rindërtimit, Arben Ahmetaj pritet të jetë zëvendëskryeministër duke e spostuar tek Ministria e Bujqësisë Erjon Braçen.
Po përse ish-ministri i Financave që njihet për shkollimin e tij në gjuhën angleze rihyri në zemrën e kryeministrit.
E para, ndryshe nga të gjithë të përdorurit e Edi Ramës ka rrëfyer durim, është kokëulur dhe i pagojë, kur mbi të bie rrebesh fjalori çapraz i shefit. Ama, është njësoj si i Madhi me ata që ka poshtë.
E dyta, thotë gjithmonë “po”. Kurrë nuk i thotë të Parit se e ka gabim dhe kjo punë mund të bëhet ndryshe.
E treta, ka aftësinë e mrekullueshme të raportojë shifra dhe Shqipërinë që kërkon dhe mendon Edi Rama.
Kaq është e mjaftueshme që të shpjegohet përse ylli i Arben Ahmetajt është në ngjitje dhe vetëm në ngjitje.
