“Ndihet akoma aroma e rëndë e gazit”, nis pastrimi i selisë së PD-së

0
97

Një ditë pas protestës dhe përplasjes me  demokratëve mbështetës të Berishës dhe Bashës, në selinë blu këtë të dielë vijon pastrimi i godinës nga dëmet e shkaktuara.

Burimet raportojnë se punonjësit kanë nisur me pastrimin e materialeve dhe të mjeteve të përdorura nga mbështetësit e Berishës për thyerjen e dyerve dhe të xhamave të godinës.

Nga dhuna e përdorur në protestën e një dite më parë janë thyer dyert dhe dritaret e institucionit, ku dëmi më i madh duket se është në katin e parë.

Gjithashtu burimet bëjnë me dije se në ambientet e godinës ndihet akoma aroma e rëndë e gazit dhe e solucioneve të tjera të përdorura për të shpërndarë protestuesit para selisë blu.