Napoli është shumë pranë titullit në Serie A, pas shumë vitesh mungesë. Loja e bukur dhe rezultative ka bërë që ekipi nga jugu i Italisë të jetë dominues absolut në serie A këtë sezon. Për këtë arritje dhe për rikthim te suksesi të napolitanëve ka folur Arrigo Sacchi i cili vlerëson në maksimum skuadrën dhe punën e bërë nga trajneri Spalletti.
“Napoli po krijon një kryevepër sepse në lojën e tyre është e gjithë shprehja e koherencës së lojtarëve. Osimhen, apo edhe Lobotka, të gjithë e kuptuan që ka diçka që të bën të fitosh: luaj gjithmonë lojën tënde, imponoje atë.
Për t’u bërë një ekip kolektiv si ai që krijoi Luciano Spalleti, nevojiten tre gjëra: Motivimi, shpirti dhe loja. Rreziku i vërtetë vjen tani. Për të hapur një cikël fitues, duhet të jesh i kujdesshëm” – Tha ai.
Vetë ish-tekniku legjendar i Milanit, e ka parasysh se çfarë do të thotë të fitosh me lojë të bukur duke parë që ka qënë në krye të Milanit të Madh, me në krye treshen holandeze, Gullit, Rijkaard dhe Van Basten, ekip i cili fitoi gjithçka në Itali dhe Europë.
The post Napoli pranë titullit, Sacchi paralajmëron: Tani, bëhet e vështirë appeared first on 27.
