Ministri i Brendshëm, Saimir Tahiri ka inspektuar pasditen e sotme situatën e krijuar si pasojë e motit të keq në tunelin e Kalimashit.
Ministri konfirmon se Rruga e Kombit është e kalueshme me zinxhirë. Ai tha se moti pritet të përkeqësohet në ditët në vijim, ndërsa i bën thirrje qytetarëve të shmangin sa më shumë lëvizjet.
Ndërkohë, ministri i Transporteve, Sokol Dervishaj ka inspektuar ndërhyrjen e strukturave shtetërore në disa zona në Dibër, të prekura nga moti i keq. Dervishaj ka deklaruar se, në Qafë Buall rruga është e kalueshme për automjetet.
“Drejtuesit e mjeteve duhet të kenë kujdes dhe të përdorin zinxhirët. Kemi marrë masat për përballimin e situatës”, ka thënë Dervishaj.
