Shefja e Politikës së Jashtme të Bashkimit Europian, Mogherini ka vlerësuar punën e qeverisë shiptare si dhe ka theksuar faktin që po shihet mënyra se si këto hapa mund të shndërrohen në një opsion të vërtetë në fillim të vitit të ardhshëm.
“Shqipëria nën lidershipin e Ramës ka bërë një punë të jashtëzakonshme, veçanërisht në Reformën e Drejtësisë, luftën kundër drogës dhe korrupsionit, një punë që ne e mbështesim e që duhet të vazhdojë përpara dhe kjo është një punë që mund të hapë rrugën drejt hapave të mëtejshëm të procesit të integrimit në BE. Jam e lumtur që kam përsëri këtë mundësi për të diskutuar së bashku mënyrën se si këto hapa mund të shndërrohen në një opsion të vërtetë në fillim të vitit të ardhshëm”, tha Mogherini.
Ndërsa Rama premtoi se në muajt e ardhshëm Shqipëria do të ketë më shumë rezultate dhe u shpreh se po presim një rezultat pozitiv për hapjen e negociatave.
“Faleminderit dhe është një kënaqësi si gjithmonë që të vij t’iu takoj, veçanërisht në këtë moment kur ne shpresojmë në një rezultat pozitiv të të gjithë përpjekjeve të përbashkëta me fillimin e negociatave të anëtarësimit”, deklaroi Rama.
https://www.facebook.com/edirama.al/videos/10155367918331523/
