Nëse do të shikojmë foton me kujdes vihet re qartë dhe pastër se në një ambient të mbyllur qëndrojnë më shumë se 10 përsona, ngjitur, pa respektuar distancën, të bindur përpara partisë dhe jo rregullave që predikojnë kur dalin jashtë.
As më pak dhe as më shumë, por është vetë kryetarja e komitetit që vendosi rregullat që në një ambient të mbyllur nuk duhet të rrinë më tepër se 10 vetë dhe në distancë të paktën 1.5 metra. Por, ndryshe nga sa deklaron në media, Rakacolli ka shkuar dhe qëndruar me vetëdije në aktivitetin e partisë në shkelje të rregullave.
Këto kohë për mosrespektim të masave që shpiku Mira janë gjobitur me mijëra qytetarë. Po rilindasen kush do ta gjobisë?
Çfarë do të ndodhë tani që rasti u denoncua dhe në heshtje u pranua edhe nga deputetja që kishte bërë shkelje, përderisa e fshiu foton? Në bazë të rregullave të vendosura prej saj, kryetares së Komitetit Teknik të Ekspertëve qytetarët dhe bizneset gjobiten, por nga nesër moralisht kanë të drejtë që në momentin që do të ndalohen të nxjerrin foton e Mira Rakacollit.
