Nënkryetari i LSI-së, Petrit Vasili ka sulmuar kryeministrin Edi Rama, duke e akuzuar se ky i fundit gënjeu se ka mbështetje nga BE për “Mini-Shengenin”.
Përmes një postimi në Facebook, Vasili teksa ka publikuar dy deklarata në kohë të ndryshme të bëra nga Rama, i ka drejtuar disa pyetje publike kryeministrit, se pse po i ngul thikë pas shpine Kosovën dhe po bën gjithçka për ta izoluar.
REAGIMI I VASILIT
Ja se si gënjeu Edi Rama për mbështetjen e BE për Minishengenin!
Në 30 dhjetor 2019, Edi Rama i akuzuar me të drejtë se kishte ndërmarë një nismë të pabesë dhe thikë pa shpinë për Kosovën tha se Minishengeni kishte mbështetjen e BE dhe SHBA.
Ja si gënjente ne 30 dhjetor:
“Shengeni ballkanik ka pozitivitet në ekonomi. Nga Shengeni, nuk ka asnjë dëm për Kosovën. Nuk kam dëgjuar asnjë fjalë racionale për Shengenin, që mbështetet nga Europa e SHBA. ”, deklaroi Rama
Ndërsa sot në 17 shkurt 2020 në mes të Brukselit deklaron të kundërtën, që BE nuk e ka mbështetur Minishengenin dhe lexoni çfarë thotë:
“Unë jam i bindur që, më herët se vonë, BE, KE do ta mbështesin patjetër këtë vizion se s’ka si të ndodhë ndryshe”.
Pse gënjen Edi Rama?
Pse Edi Rama ja ngul thikën pas shpine Kosovës?
Pse Edi Rama bën gjithshka për izolimin e Kosovës?
Pse Edi Rama gënjen edhe për mbështetjen e BE?
