Pas takimit që pati dje me kryetarin e Vetëvendosjes Albin Kurti dhe Isa Mustafën e LDK-së, Presidenti Ilir Meta i ka falënderuar për solidaritetin që kanë treguar në mbështetje të familjeve të prekura nga tërmeti.
Përmes një postimi në “Facebook” Meta thekson se i ka uruar krerët e këtyre partive për partneritetin e tyre për krijimin institucioneve të reja qeverisëse.
“Dje në Prishtinë falënderova edhe Kryetarin e Lëvizjes Vetëvendosja z.Albin Kurti dhe Kryetarin e Lidhjes Demokratike të Kosovës z.Isa Mustafa për solidaritetin që kanë treguar dhe ndihmën konkrete që kanë dhënë në mbështetjen e familjeve të prekura nga tërmeti i 26 nëntorit. Si fitues të zgjedhjeve parlamentare iu urova suksese në partneritetin e tyre për krijimin e institucioneve të reja qeverisëse. Kosova i ka të gjitha mundësitë të jetë një shembull i mirëqeverisjes në rajonin tonë.”, shkruan Meta.
