Presidenti i Shqipërisë, Ilir Meta ka zhvilluar sot një takim me Presidentin e Këshillit të Ambasadorëve Amerikanë, Timothy A. Chorba.
Gjatë takimit Presidenti Meta dhe Ambasadori Chorba bideduan rreth situatës aktuale politike në Shqipëri, si dhe nevojën e palëve për të dialoguar për zgjidhjen e krizës së paprecedentë që ka pllakosur vendin.
Gjithashtu temë e diskutimeve kanë qenë edhe marrëdhëniet midis vendeve tona dhe nevojën që SHBA-të të vazhdojnë të jenë të fokusuara në rajon, në një kohë që Shqipëria konsolidon shtetin ligjor dhe rendin kushtetues.
Ambasadori Chorba po viziton Shqipërinë me ftesë të Këshillit të Ambasadorëve Shqiptarë. Ai e falënderoi Presidentin Meta për pritjen si edhe për mbështetjen që po jep për misionin e Këshillit të Ambasadorëve Amerikanë në rajon vitin e ardhshëm.
