Ish-kreu i LSI-së, Ilir Meta ka vijuar akuzat ndaj kreut të mazhorancës, Edi Rama dhe atij të opozitës, Lulzim Basha.
Gjatë një takimi me elektoratin në Berat, Meta është shprehur se cirku i Rlindjes ka mbaruar. Ai tha se LSI-ja në 4 vite të qeverisjes me PS-në nuk pa si bëhet shteti por si bëhet qameti.
Meta i bëri apel policisë të mos pranojë porosi nga një njeri që nuk çfarë i bën as mjekësia.
“I bëj thirrje Policisë së Shtetit, drejtorit të policisë këtu dhe të gjithë atyre që kanë ardhur me idenë që do shkrijnë LSI-në, bëni thirrje mendjes dhe mos merrni porosi nga një njeri, të cilin jo vetëm policia por edhe mjekësia nuk i bën dot derman.
Nuk do të ketë asnjë amnisti, asnjë mëshirë për çdo drejtues policie që do të guxojë t’i bëjë presion qytetarëve të Beratit dhe të gjithë Shqipërisë për votën e lirë. E gjithë Shqipëria 1 milion grushta kundra oligarkisë dhe pabesisë, një milion zemra përt ë ardhmen e rinisë në Shqipëri.”-tha Meta.
