“LSI nuk ka bërë kërkesë për shkarkimin e Tahirit”
I ftuar në emisionin Arena të gazetarit Dritan Hila, Kryetari i Kuvendit Ilir Meta tha se propozimet e PDIU-së për zgjidhjen e krizës në vend janë pozitive.
Gjatë fjalës së tij në emision Meta sqaroi propozimin e tij për qeveri besimi.
“Qeveri besimi nuk do të thotë që të ikë kjo qeveri dhe të vijë një tjetër. Nëse kjo qeveri jep garanci për opozitën, kjo është një çështje e rëndësishme”– tha Meta.
Gjthashtu Meta u shpreh se zgjedhjet duhet të bëhen me opozitën. Ndërsa kur u pyet nga gazetari se nëse do të ishte për shtyrje të zgjidhjeve Meta tha: “ Duhet të bëhen përpjekjet që zgjedhjet të bëhen në 18 qershor. Më tepër sesa data të jenë të gjithë pranuara dhe me opozitën. Për këtë duhet një marrëveshje dhe ta mbyllim historinë.
Ndërkaq Meta la mundësinë e hapur për rinovimin e koalicionit me PS-në.
“Jemi të hapur për koalicion me Parinë Socialiste. Nuk e përjashtojmë mundësinë të jemi me PS-në, por vendimi për koalicionin do të merret në vijim”– tha Meta.
Më tej kur foli për shkarkimin e ish Ministrit Tahiri, Meta tha se LSI nuk e ka kërkuar një gjë të tillë.
