Presidenti Ilir Meta ka mbërritur në Kavajë pasi u plagos sekretari i degës së PD, Bledar Okshtuni. Ndërkohë që në ambientet e zyrës ishte ende gjaku i 27-vjeçarit, Meta paralajmëroi kryeministrin Edi Rama, se ky do të jetë gjaku i fundit që derdhet në zgjedhje.
Në një deklaratë për mediat nga zyra elektorale e PD, Presidenti Meta iu drejtua kryeministrit duke i thënë se shqiptarit po i hyre në shtëpi të bën atë që nuk i shkon në mendje.
Meta akuzon Ramën se ka lëshuar banditët në të gjithë vendin, ndërsa i tha se ka bërë me qindra krime zgjedhore gjatë këtyre ditëve.
“Kam një paralajmërim, për kryeministrin. Gjaku i fundit që zgjedhjet për zgjedhje. Ti jo kushtetutë që nuk njeh por ti nuk i di as rregullat e shqiptarit, je vetem shqipfolës. Shqiptari po i hyre në shtëpi të bën atë që s’të shkon në mendje, ke çuar rrugaçët që të dhunojnë opozitën në shtëpinë e tyre. Ke lëshuar banditët në të gjithë Shqipërinë. Thiri mendjes para se të jetë vonë. Leri qytetarët të votojnë të lirë. Ti e dhunove marrëveshjen e 5 qershorit. Ke bërë me qindra krime zgjedhore këto ditë. Mos kujto se Kavaja dhe Shqipëria mund të dhunohen,” tha Meta.
