Presidenti i Republikës Ilir Meta tha në një dalje për mediat se nuk do të japë dorëheqjen por do të jetë në detyrën e caktuar deri në mbarim të mandatit.
Kreu i shtetit shtoi se nga Presidenca do të fillojë ringritja e Republikës dhe se Shqipëria nuk do të bëhet koloni e asnjë institucioni ndërkombëtar.
“Edhe sikur të bëheshin zgjedhjet që nuk ekzistojnë më ligjërisht e ardhmja europiane e Shqipërisë dhe çelja e negociatave do të kishte një të ardhme të paditur për një kohë shumë të gjatë. Zgjedhje të tilla nuk plotësojnë asnjë standard minimal të kritereve të Kopenhagenit por Shqipëria do të dënohej edhe nga Gjykata Europiane e të drejtave të njeriut. Jam i qartë, nuk kam anuluar zgjedhjet në asnjë ambasadë, por në Shqipëri. Kam krijuar mundësitë për dialog por zgjedhje më 30 qershor ligjërisht nuk ka dhe nuk do të ketë. Ky institucion nuk i përket Ilir Metës. Ky institucion nuk do të bjerë kurrë por përkundrazi nga ky institucion do të fillojë ringritja e Republikës. Ky vend nuk do të bëhet koloni e asnjë institucioni ndërkombëtar. Vend që i takon gjithë shqiptarëve. Bashkë do të jemi deri më 24 korrik 2022”, deklaroi Presidenti.
https://www.facebook.com/ilirmetazyrtar/videos/2336767553257081/
