LSI mbledh Komitetin e Përgjithshëm Drejtues: 20 votat tona janë pro kësaj reformë
Kreu i LSI, Ilir Meta tha sot se reforma në drejtësi duket të miratohet brenda qershorit, përndryshe kjo do t’u kushtonte shumë Shqipërisë. Në mbledhjen e Komitetit Drejtues të LSI-së, Meta tha se mbështet deklaratën e komisionerit Hahn i cili kërkon me urgjencë miratimin e reformës, pasi ka vlerësuar punën që është kryer nga ekspertët vendas dhe ndërkombëtarë, punën e bërë nga EURALUIS dhe OPDATE. Komisioni i Venecias kërkon dhe nxit klasën politike shqiptare të përfundojë km e fundit për miratimin në parlament të paketës kushtetuese për reformën në drejtësi.
“Unë dua të theksoj se miratimi i shpejtë i saj dhe angazhimi për zbatimin e kësaj reforme mbeten prioriteti ynë i rëndësishëm dhe për këtë angazhimi i LSI është i palëkundur dhe është në vijën e parë të miratimit, jo të vonimit, jo të preteksteve, jo të vonesave dhe jo të kalkulimeve paritiake sepse LSI mendon dhe beson që miratimi i kësaj reforme është një detyrë kombëtare. Është përgjegjësi që duhet përmbushur për interesin e qytetarëve tanë. Për të goditur korrupsionin dhe krimin e organizuar që janë një shqetësim për qytetarët por që janë pengesë për zhvillimin e vendit dhe për integrimit në vend.
20 votat e LSI nuk janë nga sot për këtë reformë, por janë prej disa javësh. Ndaj shpresoj se të gjitha forcat politike, palët politike të miratojnë këtë reformë dhe për ne çertifikimi i kësaj reformë është i majftueshëm që të marrë votat tona, por jo vetëm tona por edhe votat e të gjithë kuvendit.
Është një pengesë e madhe mosbesimi që ekziston mes palëve, unë besoj se standardet që ofron Venecia dhe standardet që ofrojnë zgjidhet e EURALUIS dhe OPDATE për ti dhënë jetë kësaj reformë në parlament brend qershorit sepse cdo vonese do të ishte e kushtueshem për rrgën drejt BE.
Duke folur për dekriminalizimin, Meta tha se personat me rekorde kriminale nuk kanë më vend në zyrat dhe postet publike. Ai tha gjithashtu se reforma zgjedhore nuk duhet lënë për në minutën e fundit.
“Reforma në drejtësi vjen pas miratimit të legjislacionti për dekriminalizimin, i cili ka dhënë efektet e para dhe për të cilin qëndrimi i LSI ka qenë dhe mbetet i prerë dhe i qartë për zbatimin e plotë, të thellë dhe paekuivok të këtij legjislacioni, dnaj cilido qoftë në LSI apo forca të tjera politike.
Elementë me rekorde kriminale nuk kanë vend në zyrat publike dhe poste publike. Shqipëria meriton të hyjë në një fazë të re të standardeve të integritetit për përfaqësuesve publik. Ky është një borxh që i kemi qytetarvë duke patur parasysh edhe shfaqjet e shëmtuara kohët e fundit.
Reforma në drejtësi dhe vazhdimi pa pengesa dhe vonesa i procesit të dekriminalizmit duhet të shoqërohet me reformën zgjidhore duhet bërë tani dhe jo në minutën e fudnit në mënyrë që aktorët të jenë të pregatitur për rregullat e lojës, në mënyrë që këto standard të jenë të barabarta për të gjithë në mënyrë që vota të jetë e pacënueshme”, tha Meta.
