Ish kreu i Lëvizjes Socialiste për Integrim, Ilir Meta ka deklaruar se LSI i ka të mbyllura dyert për Edi Ramën pas këtyre sulmeve.
I ftuar në emisionin “Opinion”, Meta ka shpjeguar se nuk do të dalë më qafë pas qafe me Ramën më 26 qershor, ndërsa shprehet se është i hapur për të bërë koalicion me socialistët.
“Me Ramën e kemi mbyllur, por dyert e socialistëve janë të hapura për koalicion. Nuk kam asgjë personale me Ramën. Nuk kam patur asnjëherë, që nga video me Dritan Priftin që është e ditur që ai e ka orkestruar. Nuk përfshihen në politikë gjërat personale”, është shprehur Meta.
Meta duke ju përgjigjur pyetjes së një qytetari në telefon se ku do ti gjente armët për të armatosur popullin pasi në Shqipëri nuk ka dyqane armësh, Meta i është përgjigjur me një shprehje nga një këngë labe.
“Dihet ajo shprehja, në mos kini armë gjeni, ja rrëmbeni atij qeni”, – tha Meta.
Gjatë emisionit, drejtuesi Blendi Fevziu i ka treguar Metës një video ku tregoheshin karriget bosh në një miting të LSI-së në Berat në kohën kur aty po fliste Ilir Meta.
Por për shkak të pakujdesisë së Fevziut, të ftuarit në studio dhe Meta e panë që mesazhin ia kishte dërguar Blendi Klosi.
“Po me atë kumarxhi merresh ti, që ndërron qarkun në cdo zgjedhje, njëherë andej, njëherë këtej? Mos u merr me atë bizhozxhi”, – iu drejtua Meta Fevziut.
