Presidenti Ilir Meta ka reaguar pas deklaratave të ish-ministrit të Brendshëm Fatmir Xhafaj, në lidhje me përplasjen për anëtarët e Gjykatës Kushtetuese.
Xhafaj pyeste se ”nuk dimë se kë Vitore Tusha të besojmë, atë që ka votuar Arta Vorpsin në KED, apo atë që nxjerr emrin e Xhaferllarit në faqen web të Gjykatës Kushtetuese”.
Meta tha se nuk ka Rilindje lokale dhe ndërkombëtare që e shpëton Dvoranin nga përgjegjësia e rëndë penale’,ndërkohë që rikujtoi videon që ka paralajmëruar se do të publikojë javën që vjen.
“Skandaloz presioni politik ndaj KED dhe anëtares së Gjykatës Kushtetuese, Vitore Tusha! I vetmi përgjegjës për aktet kriminale të militantit Ardian Dvorani është vetëm ai, përndryshe Katica jonë i Reformës në Drejtësi. Nuk ka Rilindje lokale dhe ndërkombëtare që e shpëton atë nga përgjegjësia e rëndë penale. Katica jonë bëri një akt shumë më të rëndë se vendosja e gjobës së një biznesmeni. Katica jonë donte të vidhte gjithë Gjykatën Kushtetuese të Shqipërisë. Provat po shtohen. Garantët e krimit kushtetues po dalin vetë. Video po përgatitet!”– shkruan Meta.
