Kryetari i Kuvendit Ilir Meta e ka ndjekur nga zyra e tij fjalimin e kryeministrit Edi Rama, gjatë të cilit Rama ka hedhur akuza të rënda në drejtim të Metës. Kreu i Kuvendit, sëbashku me deputetët e LSI-së nuk kanë qënë të pranishëm gjatë seancës plenare në Kuvend, por kryeparlamentari është paraqitur në sallë vetëm për votimin e projektligjeve dhe më pas është larguar sërish.
“Përpjekja për t’u thënë shqiptarëve se zgjedhjet pa opozitën nuk mund të bëhen është një zgjedhje e sponsorizuar, e paguar në dorë dhe nën dorë, me para apo me peshqeshe”- ishte deklarata e Ramës ndërkohë që Meta nuk ishte në Kuvend.
Meta nuk ka bërë asnjë koment lidhur me deklaratën e kryeministrit.
