Sekretarja e Përgjithshme e Partisë Drejtësi, Integrim dhe Unitet, Mesila Doda ka uruar të gjitha gratë dhe nënat me rastin e festës së 8 marsit.
“Tërmete, pandemi, dhunë e vdekje përqark nesh. Duhet të marrim frymë, të çohemi edhe njëherë në këmbë për të vazhduar rrugëtimin tonë të vështirë e të mrekullueshëm për ta bërë këtë botë një vend më të mirë”, shkruan Doda në Facebook.
Gjithashtu Doda i ka uruar 8 Marsin të gjitha zonjave të mrekullueshme që e kanë shoqëruar në jetë dhe që i kanë sjellë dritë e dashuri në rrugëtimin e saj.
Postimi i plotë
Urimet më të mira sot për ty grua, nënë, moter shoqe… gezuar 8 marsin për ty që mban mbi supe gjysmën e qiellit.
Po jetojmë kohë të vështira e realitete që nuk i kishim imagjinuar kurrë. Tërmete, pandemi, dhunë e vdekje përqark nesh. Duhet të marrim frymë, të çohemi edhe njëherë në këmbë për të vazhduar rrugëtimin tonë të vështirë e të mrekullueshëm për ta bërë këtë botë një vend më të mirë.
Eshtë një kohë për të reflektuar për mikeshat tona që sot kanë nevojë për mbështetjen tonë e të kuptojmë që gruaja pranë nesh nuk është rivale por mike.
Gëzuar 8 marsin për të gjitha zonjat e mrekullueshme që më kanë shoqëruar në jetën time e që kanë sjellë dritë e dashuri në rrugëtimin tim. Nënë, motër, mike… je pjesë e imja dhe e historisë time në këtë botë. Përqafime për të gjitha ju.
