Kancelarja Angela Merkel nënvizoi vendosmërinë e Gjermanisë për të mbajtur lidhje të ngushta me Britaninë dhe angazhimin për të punuar mbi forcimin e Bashkimit Europian, pas votimit historik të javës së kaluar në Mbretërinë e Bashkuar për të lënë bllokun.
“Bashkimi Europian është mjaftueshmërisht i fortë për të përballuar largimin e Britanisë së Madhe. Është gjithashtu mjaftueshmërisht i fortë për të ecur përpara me 27 vende dhe është i fortë të përfaqësojë interestat e tj në botë”, tha Merkel.
Ajo përshëndeti të gjitha propozimet që ndihmuan forcimin e BE-së, por tha se është thelbësore shmangia e çdo mase e cila inkurajon largimin e vendeve të tjera. Sa i përket negociatave me Britaninë e Madhe të cilat pritet të nisin së shpejti, Merkel tha se nuk do të jenë zgjedhje selective e Londres.
“Kushdo që vendos të largohet nga familja europiane, nuk mund te presë që të gjitha detyrimet ti kthehen në privilegje”, u shpreh kancelarja.
Kancelargja gjermane tha se hapat e ardhshme për daljen e Britanisë nga Bashkimi Europian varen nga Mbretëria e Bashkuar para çdo negociate informale apo formale rreth lidhjeve të saj të ardhshme me bllokun.
