Kancelarja Gjermane, Angela Merkel, gjatë konferencës për shtyp me kryeministren e Serbisë, Ana Brnabiç ka deklaruar se Qeveria gjermane jep rekomandim pozitiv për Shqipërinë dhe Maqedoninë e Veriut, ndonëse vendimi final i takon Bundestagut më 26 shtator.
Merkel e bëri këtë deklaratë, pasi u pyet nga gazetarët lidhur me opinionin e Francës dhe Holandës, që janë dy vendet skeptike për zgjerimin e BE.
“Nuk mund të flas për vendet e tjera, pasi ato vendosin vetë, por së pari mund të them për pozicionin gjerman, i cili lidhet me Bundestagun gjerman. Qeveria ka dhënë një rekomandim pozitiv me për të dy vendet me specifikat e veta, si për Maqedoninë e Veriut ashtu dhe për Shqipërinë, por është Bundestagu ai që do të vendosë dhe besoj së shpejti do të kemi një vendim”, ka deklaruar Merkel.
