Më mirë një Budalla më shumë në facebook, a një fake neës në një portal, se sa një Diktator

Nga Andi Bejtja

Pas JOQ i erdhi radha dhe dosja.al të dalë faqe e bardhë..bosh… Arsyet gjehen, sidomos kur thënia e një gazetari pranë pushtetit se “portalet janë tërmet më i madh se tërmeti me 51 viktima” janë logo e stampuar në bluzën e Kryeministrit…

Ndaj, do i vi’ radha edhe të tjerëve, kur vetë Kryeministri ecën rrënojave mes kamerave më shumë duke mallkuar portalet dhe median, se sa ata politikanë, ndërtues, sekserë, të babëzitur (përfshi dhe veten) për këtë fatkeqësi që duhej te ishte të paktën dhjetë herë më e vogël.

Pavarësisht, disa abuzimeve të pjeshme, portalet në këtë vend, ku pjesa më e madhe e TV-ve kanë programacionin e ERTV, bashkë me rrjetet sociale kanë qenë, janë e do të jenë një ishull i pazëvendësueshëm lirie.

Ndaj më mirë një Budalla më shumë në facebook, a një fake news në një Portal, se sa një Diktator me imunitet në kohë fatkeqësish natyrore…

Sa më shpejt ta kuptojmë këtë, aq më shpejt do e kuptojmë se sot nuk mjafton vetëm të raportosh, por dhe të flasësh, të flasësh për të mbrojtur këto ishuj lirie që po u fundosën një nga një sot, vështirë te rilindin më vonë.