Pas disa orësh qëndrimi në spital, ku ndodhet ende, 80-vjeçari Çerçiz Jaçe rrëfen dhunën policore sot te “Unaza e Re”.
Në një intervistë ekskluzive për syri.net, 80 vjeçari tregon se si policia sulmoi qytetarët me gaz lotsjellës, shkopinj gome dhe grushta.
“U futëm në banjo. Atje u helmuam të gjithë dhe dolëm. Sa dola, dy policë nga ndërhyrja e shpejtë më tërhoqën zvarrë. Pastaj më qëlluan me dy grushta nën nofull. Ikja tutje, më tërhoqën zvarrë prapë. Nuk isha në gjendje as të flisja, as të… Kur e mblodha çik veten i pyeta: kush më qëlloi nga ju? Jo ti je zhgaravitur vetë… Ty të vraftë Zoti, i thashë, ndërsa ai mu përgjigj: unë nuk besoj fare në Zot”, rrëfen 80-vjeçari.
80-vjeçari, duhet theksuar se, vuan nga disa sëmundje kronike si diabet, zemër dhe tension ndërsa ditën e sotme policia i shkaktoi atij fraktura në trup dhe 3 dhëmbë të thyer.
