Kryetari i Bashkisë Shkodër, i cili fitoi në zgjedhjet e pjesëshme të 6 Marsit, Bardh Spahia, në një intervistë për mediat ka folur për marrëdhënien që ka me ish-kryeministrin Sali Berisha dhe kandidatin e PD-së në këto zgjedhje, Xhemal Bushati. Spahia tha se marrëdhëniet i ka shumë korrekte me Berishën dhe se hera e fundit që ka fol me të ka qenë pas fitores në Shkodër, ku mori urimin e ish-kryeministrit Berisha. Ndërsa me kandidatin tjetër të PD-së, Xhemal Bushati, ka pasur marrëdhënie bashkëpunimi shumë të mira, por që janë ndërprerë pas procesit zgjedhor.
“Marrëdhëniet me të i kam shumë korrekte. Ka qenë një fitore e madhe për demokratët dhe Komisionin e Rithemelimit dhe entuziazmi i parë ka qenë telefonata e profesor Berishës “Urimet më të mira”- më tha me një entuziazëm të madh. Me Xhemal Bushatin kemi pasur bashkëpunime por pas procesit të garimit nuk kemi pasur komunikim” – tha Spahia.
Kujtojmë se Bardh Spahia ishte kandidat për deputet në zgjedhjet e 25 prillit, por jashtë listës së sigurt, gjë që bëri mos të fitonte mandatin e deputetit. Pas përçarjes së PD-së, Spahia zgjodhi t’i bashkohej Sali Berishës.
