Sekretarja e Përgjithshme e PDIU, Mesila Doda ka reaguar menjëherë pas lajmit se televizioni RTV Ora do të mbyllej.
Doda nëpërmjet një postimi në rrjetet sociale e ka quajtur “çmenduri të një pushteti të lajthitur” pasi është absurde që një televizion i tillë të mbyllet vetëm sepse në një studio ishin më shumë persona fizikë se sa numri i lejuar.
Doda gjithashtu shkruan se ky regjim po na vjedh liritë tona duke na mbyllur gojën përditë e më shumë.
Postimi i plotë i Mesila Dodës:
Vazhdon çmenduria e një pushteti të lajthitur… duan t’i vënë kyçin një media, se kanë qenë tre vetë në një studio 50 metra katror…
Po ato rraqet e Komitetit Teknik që ishin 15 laraska në 20 metra katror, pse nuk e mbyllin ministrinë e tyre, se siç është bërë për turp ose do e mbyllin vetë ose do i vënë kyçin shqiptarët.
Këta janë rregjimi që po na zhvat përditë liritë tona, po vjedh e po na mbyll gojën. Edhe përplasja fizike në këto kushte është nder dhe detyrë e çdo individi të lirë të këtij vendi.
P.S. Njoftojmë zëdhënësin bis të qeverisë, Soreca, që masat kundër COVID-it duhet t’i mbajë në zyrën e tij dhe se është i detyruar të transmetojë vendimet që komisionerët e BE-së marrin për Shqipërinë… nëse jo të bëhet gati të kapi avionin e fundit të linjes për riatdhesim në Napoli…
